hybu'r iaith yn lleol

Hydref 2004

Cynhaliwyd Gwener y Grolsch llwyddiannus arall ar y 29ain o Hydref gyda Mattoidz yn perfformio gyda set gefnogi gan un o aelodau Sbendigedid. Roedd hi’n noswaith fywiog iawn gyda’r bandiau wedi chwarae’n wych gydag ambell i leisydd gwadd yn chwarae hefyd. Bydd y gig nesaf ar y 26ain o Dachwedd gyd Ashokan a Radio Luxemburg yn chwarae.

Medi 2004

Cawsom noson fywiog arall yn Nhy Tawe ar y 17eg o Fedi gyda’r grwp Gilespi yn perfformio (gyda staff y fenter yn aelod o’r band!) yng Ngwener y Grolsch. Mwynhaodd pawb mas draw gan fynnu mwy nag un encôr! Chwarae teg i Gilespi am wneud set hir! Yn ogystal â cherddoriaeth byw, cawsom y fraint o gael y digrifwr Ceri Richards yn perfformio ei gig gyntaf erioed! Cofiwch, yn Nhy Tawe y gwelsoch chi ef gyntaf.

Gorffennaf 2004

Ar nos Wener 30 o Orffennaf cafwyd Gwener y Grolsch llwyddiannus arall yn Nhy Tawe gyda thros 60 o bobl yn mwynhau. Kentucky AFC oedd y prif fand a Poppies yn cefnogi, cafwyd perfformiadau gwych gan y ddau fand. Noswaith ffantastig. Bydd yr un nesaf ar y 17fed o Fedi a’r prif fand fydd Galespi.
Roc On

Mai 2004
Gwener y Grolsch efo
The Texas Radio Band
Noswaith llwyddiannus wrth i The Texas Radio Band chwarae i 60 o bobl ifanc yn
Ty Tawe. Fe wnaeth pawb mwynhau yn enwedig pan ddaeth MC ap Gwyn i ymuno â'r band!

Bydd y gig nesaf ym mis Gorffennaf wrth i Kentucky AFC ymuno â ni yma.

Ebrill 2004
Gwener y Grolsch efo Huw Stephens

Noson Lwyddiannus arall efo Huw Stephens yn cael y pobl i symud wrth iddo ‘bangio allan ei tunes ffynci’ gyda cherddoriaeth gan Tebot Piws a JLC. Dewch yn llu i’r Grolsch nesaf gyda Texas Radio Band ar 21 Mai, £4 wrth y drws.

Chwefror 2004 - Epitaff

Ar y 13ain o Chwefror cynhaliwyd Gwener y Grolsch arall, gyda Epitaff yn perfformio. Noswaith wych, ac yn amlwg wnaeth pawb fwynhau felly bydd cyfle
i bawb fwynhau eto ar y 5ed o Fawrth gyda Llwybr Llaethog a Friz-b yn perfformio gyda Huw Stephens yn DJ am y noswaith. Felly dewch yn gynnar i
chi gael mwynhau yr holl adloniant yn llawn a chymryd mantais o'r awr hapus
rhwng 8-9.

Grolsch Nadolig 2003

"Ar Ragfyr 19eg 2003, profwyd perfformiad anghygoel gan Bob Delyn a'r Ebillion,noswaith wych a llawn iawn. Bydd y Gwener y Grolsch nesaf ar y 13 o Chwefror a bydd Epitaff yn perfformio."