hybu'r iaith yn lleol

Mae’n bosibl cofrestru ar-lein nawr! Ewch i: http://www.swancoll.ac.uk/ptcourses/Welsh

Bydd pawb sy’n cofrestru ar gwrs Mynediad, Sylfaen neu Ganolradd erbyn 31ain Gorffennaf yn derbyn tocyn llyfr gwerth £10.

Hefyd gallwch gofrestru yng nghampws Tycoch.

Cynhaliwyd Gig y Glas i godi arian at Eisteddfod yr Urdd 2011 yn Nhŷ Tawe ar y 26ain o Fehefin eleni. Trefnwyd y gig gan bwyllgor bobl ifanc yr Urdd a hoffwn ddiolch i’r 3 band, Yr Angen, R.T.R a Llygredd Sŵn am Rocio’r Tŷ yn Nhŷ Tawe drwy’r nos.
Daeth nifer o bobl ifanc o Fryn Tawe, Ystalyfera a Gŵyr ar y noson ac mae’r pwyllgor a threfnwyr y fenter yn edrych ymlaen yn fawr iawn at y gweithgaredd codi arian nesaf.

Ydych chi’n berson brwdfrydig ac yn gallu siarad Cymraeg?

Mae Canolfan Cymraeg i Oedolion De-orllewin Cymru yn gyfrifol am holl ddarpariaeth Cymraeg i Oedolion ar draws Sir Gaerfyrddin, Sir Benfro Abertawe a
Chastell-nedd Port Talbot.
Ni ellir cynnal y rhaglen eang o gyrsiau heb gymorth nifer fawr o diwtoriaid.
Cynigir dau gwrs hyfforddiant yn ystod 2009/10 gan y Ganolfan i diwtoriaid sydd ag ychydig o brofiad neu’r rhai fyddai’n hoffi dechrau gweithio fel tiwtoriaid Cymraeg i Oedolion. Lleolir y cyrsiau yn Abertawe a Sir Gaerfyrddin/Sir Benfro.
Am fwy o wybodaeth am y cyrsiau neu am ffurflen gais, cysylltwch a Caryl Clement ar 01269 860555, j.c.clement@abertawe.ac.uk

Cafodd Bentre’ Ifanc gnoc enfawr gan lu o bobl ifanc o Ysgol Gwyr a Bryn Tawe'r wythnos ddiwethaf. Pwrpas y daith oedd gwobrwyo criw GYTS am ei gwaith caled dros y misoedd diwethaf ar brosiect creu llyfr a DVD i ddathlu 25 mlwyddyn o hanes Gwyr. Cafodd y bobl ifanc brofiad o goginio bwyd ar y Traeth wrth weld yr haul yn machlud yn braf ar draeth Trefdraeth gan ddychwelyd yn ôl i Bentre' Ifan i gynnal Eisteddfod Ddwl a gweithgaredd Her Camera.
Gorffennodd y daith gyda wâc ( wel trip ar y bws ) i weld Cromlech Pentre’ Ifan yna draw i Oakwood am hwyl a Sbri ar y chwyrligwganod wrth i ambell berson ifanc mentrus fentro ar Virtigo!!!