hybu'r iaith yn lleol

Roedd Parti Dolig y Plant yn llwyddiant ysgubol eleni eto, gyda 28 (a mwy) o blant yma yn mwynhau. Cafwyd bore o hwyl a sbri gyda gemau, gweithgareddau celf a chrefft, a chyfle i gael darn o gacen Nadolig. Uchafbwynt y parti heb os oedd ymweliad gan y dyn ei hun - Si�n Corn, ac roedd ganddo anrheg i bob un o�r plant, chwarae teg iddo. Roedden nhw wrth eu boddau!

Ar ddydd Sadwrn y 1af o Ragfyr, cynhaliwyd taith teulu i Amgueddfa Sain Ffagan yng Nghaerdydd. Roedd pawb wedi mwynhau'r daith, yn enwedig gan eu bod wedi cael y cyfle i greu nifer o grefftau Nadoligaidd gwahannol gyda'u plant. Diolch i bawb ddaeth!

Yn dilyn llwyddiant ysgubol cwrs Ma' Dy Gymraeg di'n Grêt y llynedd, fe ail-ddechreuodd y cwrs eleni yng Nghanolfan Deuluol Bonymaen.

Mae'r cwrs deg wythnos yn rhoi hwb i rieni lleol i ddod at ei gilydd i ymarfer eu Cymraeg ac ail gydio yn eu sgiliau ieithyddol, gydag wyth rhiant yn mynychu'n gyson.

Dechreuwyd y cwrs gyda sesiwn syml o gwis Cymraeg, gweithdy creu mwclis, ymwybyddiaeth iaith, crosiet, tylino llaw, siapio a phaentio ewinedd a threfniadau bwrdd.

Yn yr wythnosau sydd i ddod, byddwn yn cael sesiwn gymdeithasol yng nghaffi�r YMCA ac yn Nh? Tawe.


Am fanylion pellach, cysylltwch � Llinos Haf ar 01792 460906

Aeth grŵp o ddisgyblion o flwyddyn 11-13 i aros yng Ngwersyll yr Urdd Caerdydd fel rhan o gwrs Babanod Realiti. Ar y cwrs mae'r disgyblion yn cael y cyfle i edrych ar ôl babanod realiti, tra hefyd yn dysgu a derbyn achrediad mewn trin arian, iechyd rhywiol a bod yn rhiant. Mae'n gyfle gwych i'r disgyblion cael dysgu am yr hyn mae�n ei gymryd i fod yn rhiant ifanc tra hefyd yn cael y profiad o ofalu am fabi.

Ar ddydd Sadwrn y 17eg o Dachwedd, cynhaliwyd taith gerdded o ganol dref Abertawe i'r marina ac yna i Ganolfan Dylan Thomas. Roedd pawb wedi mwynhau'r daith, yn enwedig gan eu bod wedi cael y cyfle i ddysgu am fywyd ac am waith Dylan Thomas.
Diolch i Allison Thomas am arwain y daith.
Cynhelir y daith gerdded nesaf ym mis Ionawr.

Mae Cylch Meithrin Sgeti yn chwilio am aelod newydd o staff i ymuno â'r tîm. Rydym yn Gylch hapus a llwyddiannus sy'n darparu gofal trwy gyfrwng y Gymraeg i blant o ddwyflwydd oed nes iddynt ddechrau yn yr ysgol. Caiff y Cylch ei gynnal ar foreau Marth a Gwener yng Nghapel Bethel Sgeti. Os ydych yn dysgu'r Gymraeg gallwch fanteisio ar y cyfle i ymarfer gyda'r plant bach neu os ydych yn astudio cwrs gofal plant gallwch ddefnyddio'r oriau tuag at eich cwrs. Os oes gennych unrhyw ddiddordeb yn y swydd ac hoffech wybod mwy, cysylltwch â Saran Thomas ar 07814 685506 neu saran.thomas@sky.com

Mae ein cynllun chwarae tymhorol yn ôl! Cynhelir cynllun chwarae Hwyl Hydref eleni yn Ysgol Gynradd Gellionnen, Clydach, o ddydd Llun i ddydd Gwener yn ystod wythnos hanner tymor. Mae'r cynllun chwarae yn agored i blant 8 - 11 oed, a phris y cynllun yw 50c y diwrnod. Does dim angen cofrestru ymlaen llaw - 'mond galw heibio ar y diwrnod!